Gjatë ndeshjes mes Juventusit dhe AC Milanit, Cristiano Ronaldo ishte zëvendësuar në fillim të pjesës së dytë dhe kjo e zemëroi shumë sulmuesin portugez.

Megjithatë, ndryshe nga ajo që sugjerojnë raportet e mëparshme, ai nuk e ofendoi trajnerin Maurizio Sarri gjatë rrugës së tij për largim nga fusha, transmeton portali arbresh.info.

Sipas një raporti nga Tuttosport, që i referohet mediave portugeze, ekspertët për leximin e buzëve, fonetikes dhe interpretimit verbal janë kontaktuar për të dhënë mendimin e tyre në lidhje me këtë çështje.

Në fund, ata kanë rënë dakord të gjithë se Ronaldo kishte shfrytëzuar shprehjen “Parro caralho!”.

Në rast se kjo përkthehet në gjuhen shqipe atëherë do të thotë “Çfarë dreqin!”

Sigurisht se kjo lë të kuptohet se Ronaldo, ashtu siç shihej, nuk ishte i kënaqur me vendimin e trajnerit italian dhe njëkohësisht ishte i befasuar dhe zemëruar./arbresh.info/